#هوسات

هوسات في إستشهاد الأمام الجواد عليه السلام
****
ياباب المـُراد إو ملجأ المحتار
نعــزّي بيك موسى إو حيدر الكرار
نعــزّي المنتظر وإﻧﮔلـــّه يامغوار
(( ويــّاك الزهره إنواسيها ))
****
وداع اليوم للمسموم ننعاه
نشارك فاطمه وإنصيح واويلاه
سمــّوه الجواد المانـِصـَت يمناه
(( وإتشع فضحتهم أنواره ))
****
قدوه الشيعتك ياتاسع العتره
جاهدت الظلام إو إنكشف أمره
واجهت الظلم ما خـَوّفـَك غدره
(( راياتك إحنه إنــْعلــّيها ))
****
تزهي الكاظميّه إبمرقد النورين
موسى والجواد إلبلكرم طيبين
إولاد الزﭽيـّه إو ﮔـُرّة العينيين
(( أنخاهم واخذ حاجاتي ))
****
إذا رايد شــِفـَه لجروحك الصعبات
إﮔصد للجواد إو إطلب الحاجات
مـَيـْعوفك أبو الهادي أبد هيهات
(( وإتطيب إجروحك تنساها ))
****
جواد إو ما يرد إبن الرضا الزاير
إذا مهموم زوره إو لاتظل حاير
يشع نوره أبد ما ينطفي زاهر
(( وإيهلـّي الوالي إبخطـّاره ))
****
ما خاب إﻠﮔصدلك يا أبو الهادي
يرد مسرور منـّك سيدّي إينادي
إنطاني الأريده إو رَيــّح إفــّادي
(( كل صعبه الغانم ﻳﮔضيها ))
***
مع تحيات شاعر أهل البيت / جابر النجفي

جديد نعي   بعد مرور سنه على فراق الاحباب الحسين و َال الحسين عليهم السلام
____
مظلمة وموحشة يديار اهلنه
شو دارت سنه ومحد وصلنه
شيعودة العزيز ألراح منه
من يوم المشيتوا أظلم نزلنه
تجافونه سنه يهل المحنه
___
ماچنها سنه چم يوم ظنها
لهسه رسومكم بالدار چنها
تنوح أعله العزيز الراح منها
تون الدار ما يهداش ونها
اعزاز الروح كلها بعيد عنها
__
حزينة الروح ياخوية حزينة
اهنا نگعد سوية و سولفينة
تمر ايام هجرك ما نسينة
عمت عيني على الراح من ادينة
ياوسفة الزمان اشسوة بينة
علينا بعاد متردون لينة
____

نعي  عن الام الفاقدة الولد بعد مرور سنه ام الأكبر ام القاسم ام عبدالله آلرضيع
__
يا يمة الولد نارك سرية
سنه مرت ولا مريت بية
أظل انعاك حد يوم المنية
مر بالطيف ماهي امك خطية
اباب الدار اتانيك أعله جية
___
اطلع بالهدوم ودمعة اصبها
ترة التفگد ولد يفطر گلبها
تتيه ما تظل تندل دربها
وعلى هدوم الولد يكثر عتبها
عيون امك ترة شيب هدبها
__
ايا فگد الولد أكبر مصيبة
ينصاب الدليل ومالة طيبة
چا صبري عليك منين اجيبة
تخلي امك يبعد امك غريبة
فلا يگطع حزن گلبي ونحيبة
__

نعي  عن الإمام السجاد بعد مرور سنه على فقد ابوه وعمه وإخوانه
_
هالدارت سنتكم ها يزينين
ما تدرون بينا يالبعــــيدين
نهار وليل انحب بوية يحسين
انحنة ظهري عليك وراحت العين
چا مثلك يبوية يحصل منين
_
عمي الراح مني وراحت الروح
اخذ وياه گلبي ودمعي مسفوح
يالماكو بحنانك گلبي مجروح
ابوي الثاني دوم انعاك بالنوح
من كثر البواچي صوتي مبحوح
_
احا يالاخو يالتسوة الونين
أظل انعاك خوية بطول السنين
يبن امي اجيبن مثلك منين
الاخو لو راح مايحصل بعد وين
هالمره سنة يهلي الحنينين
__
يحزام الظهر يالاخو الثاني
ابن عمي واخيي فارگاني
يبن عمي غيابك دوهناني
سنة دارت عليه وما اجاني
حنه ظهري اخيي من جفاني
___

نعي  عن أم البنين بعد مرور سنة
____
صدكَ مرت سنة وما شايفتكم
وانه لتالي عمري رايدتكم
ياحيف اعله غفلة مفارگتكم
لما اموتن ييمة متانيتكم
عمت عيني من ادية ظيعتكم
_
دارتلك سنة يا ابعيد عني
ييمة حسين ما يهداش وني
اشوفن صورتك كل ساع چني
مهو سباح گلبي وراح مني
حسبت حساب يمة وخاب ظني
___
يا محلى الليالي الچانت وياك
يلب حشاي تمرد روحي فرگاك
اخذني للگبر يا يمة وياك
طول ايام عمري بدمعي انعاك
لما يطمني الگبر بلساني طرواك
_
أسألكم الدعاء رائد الاسدي



https://www.tg-me.com/joinchat-UShxzSh6DyF31x9W

#وحدك_عالمي



بعيوني راسملك صـور گـد مـا تـعـيـش ابّالي
احـچـيـهـه أنه وافتخر ماعـنـدي غيرك غالي

      حسين  حسين      حسين  حسين 

                                *---------------*---------------*

    أهيم بعالم احساسـك وأسـولـف بـيـك
    وأغمض عيني لحظه وبالجفون ألگيك
    إليـه انطيت كلشي حـايـر إشـأنـطـيـك
    يـحـقـلـي بكل ثـوانـي ألـهـج ابطاريـك

مرات أحاجيك واحس يابـو علي اتحاچيني
خليني يمك سيدي بالخدمـه اخلص أسنيني

                                *---------------*---------------*

   يـاخـذنـي الـعـشـگ بحره واروح ابعيد
   حـيــاة بـغـيـر حـبـك سـيـدي مـــاريــد
   لامانـي الـيـظـن بـيـّه الـمـلامـه اتـفـيـد
   يـومـيـه الـدمـع يحله وعـلـيـك ايــزيـد

حـبـيـتـك بـريـع العمر وبالدينه واحد ماحب
يحسين وحدك عالمي انته الحبيب وصاحب

                                *---------------*---------------*

   حـلـو كلشي بمحبتك يا نـسـيـم الهاب
   يالعشگك حقيقي وكـل عـشـگ جـذاب
   إلـك گـلـبـي وقـف ومــشــرّع الأبــواب
   ابـتـدت رحلت وصالي بعالم الأصـلاب

أحـيـا وأمـوت بمجلسك غير الـدمـع مـارايد
يـومـيـه اسولف للخلگ مطيني نعـمـه وزايد

                                *---------------*---------------*

   غايـب بـس احسك بـالـگـلـب مـوجـود
   عـشـت ويــاك عـمـري وشـاهـد المعبود
   يشمعة نـاظـري التضوي ابليالي السـود
   انـفـجـر فـيـض الغرام الماتحده احدود

عـاهـدتـك بهذا الـعـهـد للموت أظل مـعـاهـد
اتغزّل بأسمك صرت وهاي المـجـالـس شاهد

                                *---------------*---------------*

   تـمـر اعـــوام بــيــه وقـصّـتـك تـكـبـر
   وأتـرجـم حـبـي كله لـخـدمـة الـمـنـبـر
   أكـل لـلـنـاس وسـفـه أتـــوزع الـعـنـبـر
   وعـطـره اهـنـاك تــارس كـربـلـه والـبـر

لازم أبـيّـن قـصـتـي خلهه اشـتـگـول الـوادم
يـكـفـيـنـي ماعفتك أبد شـايـل وسام الخادم

                                *---------------*---------------*

    
✍️خادم الحسين ع
الشاعر رعد الچريخي


https://www.tg-me.com/plkfc

يامحرم يامحرم (الهلال)

يامحرم يامحرم بيك زينـب تنسبي
***

ياشهر بيك المواجـــــــــع تبتدي بيــــــوم التهل
شايل اهمـــــــوم ونوايب بيك جم عــين اتهمل
نقره بيك اشجم مصيبــــه غربه واجروح وجتل
صحرى وارمال وبراري نوك واحبـــال وهزل
وايتألم وايتألم والله جم طفل وصبي
يامحرم يامحرم بيك زينـــــب تنسبي
***

سوده ايامك نحســــهه وتذبـح انفاس العمر
تخطف العز والمحنـه ومانشم ياس وعطر
تترس الدنيه بواجــي وتبدي أيــــام الجمر
يامحـــرم بيش طالب زينب ابديــن اشكثر
والمخيم المخيم يحترك بيد اجنبي
يامحرم يامحرم بيك زينب تنسبي
***
ليش ياشـــهر المصايب ينسلب عطر الورد
اتيبس ارياك الطفولـــه وتذبح آيـــات الحمد
جم شباب اليطفى عمره وينمــرد منـه الجبد
بس نســــــاوين ويتامـه ضعن المسافر يرد
واتحزم واتحزم للنوايــــب بالعبي
يامحرم يامحرم بيك زينب تنسبي
***
ماتخلي الزينب احــــــد بيش مطلوبه بذنب
تاخذا اعزاز امن اهلهه والمخـــــيم ينــهب
اخيامهه اتذري رمــاده بنارهه لمــن تشب
لا اخوان التفزعلـــــهه من اختـــهم تنسلب
وايتهدم وايتهدم حيلهه بنت النبي
يامحرم يامحرم بيك زينب تنسبي
***
من بعد عز العشــــيره والدلال البــت علي
لا كمر ظل ومحامــي لا كفـــــيل ولا ولي
زحمه علويه وجبيــره هاشمـــــيه وتنولي
اتصيح لو حمل ضعنه من يعـــــدل محملي
واتلجم واتلجمم من سياط الناصبي
يامحرم يامحرم بيك زينب تنسبي
***



ابو علي الركابي

حاجتك يامن ردت تگضـــــــــــيها
للـــجواد اتعنه يمّه احچـــــــــــيها

..............................................

يَم جواد الباقيات الــــــــــصالحات
تنگضي الحاجه وتشوف المعجزات
تشفه كل عله وتزول الـــــــــنايبات
والــــــــــــ ثمن بس نيتك اتصفيها

....................................

عوز اذا مسك واذا مسك خــــــطر
لا تصب ماي الـــــوجه يم اي بشر
لـــــباب المراد اعتني وانوي السفر
حــــــــــــاجتك مضمونه وترد بيها

....................................

امــــگيّد ابذنبك لون صرت واسير
وابــدروب المعصيه اجدامك تسير
للــعلي ابجاه الجواد انت استجير
تلگه حُسن العاقبه وينطــــــــــــيها

....................................

يم ضريحه الليله تتفايض دمــــــوع
للگضت مكسوره من عدها الضــلوع
تلطم اعله الخد على امصابه وتلـوع
ويمها ابـــــــــــو صالح اجه يواسيها

....................................

تنعه آ يبني الگضه ابـــــــــسم وغدر
يا شبــــــــــــــــــاب الما تهنيت ابعمر
شيعتك والـ تحيي لـــــــــمصابك أمر
بالـــــــــــــشفاعه احنه الذي انجازيها

....................................

ابــــــــــــساعة الما تنفع اموال وبنين
تنفع الــــــــخادم دمعته اعله الحسين
ندري اسماء الـــــــــخدم مكتوبه وين
ابــــــــــــــــــدفتر الزهره ابأذن باريها

سيد علي عبدالزهره الناجي


https://www.tg-me.com/joinchat-UShxzSh6DyF31x9W

[[ يسواله عسكر ]]



لشجاعة المولى ابي الفظل العباس ع


الحسين ع يجالس زينب ع

ويحدثها عن شجاعة الكافل



لوحده عسكر كافلچ يسواله
رجفو امن اخيالـه

فوگه تخفـگ رايته
موت الاحمر طگته

        رجفو امن اخياله

◾◽◾◽◾◽◾◽◾

علي من حــــمّل وصــاياه لعــقيل
وگله اخترلي اصيــله بـــت اصيل
راد من عدها اخو لحملــچ يشــيل
وفعــــلا ام عباس جابتــلچ كفيـل


بالـميادين بكلامه يختصر
الكثره بس لأفعاله

بمتنه تحـله جربته
موت الاحمر طگته

        رجفو امن اخياله

◾◽◾◽◾◽◾◽◾

طر الاصفوف وتريّس بالحــــــرب
والمـــوازيـن بخــــزرتــه تنگـــــلب
اســد وابــــن الــغالب المــا ينـغلب
تموج خيل وناس اخونه من يطب


صاح اوصل للفرات بشيمتي
وحلف يسگي اطفاله

وذلها ناس اللاگـته
موت الاحمر طگته

        رجفو امن اخياله

◾◽◾◽◾◽◾◽◾

تحاچي بحسين العقـيله وتخبره
مثل ام عبــاس ما صـارت مــره
جابـــت اليشـبه مــلامح حيـدره
الگال اخلي القاده روس امشمره



يذوب من احرورة الهامه وعلي
اليوصل ويدناله

شكبر بخته وشارته
موت الاحــمر طگته

        رجفو امن اخياله

◾◽◾◽◾◽◾◽◾

يوم سابع صـــار طـــوفان الــدماء
يوم بــــيه الابـــو ما يــعرف ضــنا
ضيگه صـــارت حــيل بيهم كربلاء
وسيفه يرسل بالارواح اعله السماء

لبسو احجابات من خوف الكفيل
مثل زلزل حاله

اتخلسو من خزرته
موت الاحمر طگته

        رجفو امن اخياله

◾◽◾◽◾◽◾◽◾

يختي ما وگــفو بوجهـه من رعد
يتــلو آية قــل هــو اللـه احــــــد
بشـــر نــــازل لكــن بهيئــة اســد
السلم منه خلّص وحضــه گعــــد



لو زعل يتبختر بنص الزلم
والزعل يحلاله


الجيش لمه بيمنته
موت الاحمر طگته

        رجفو امن اخياله

◾◽◾◽◾◽◾◽◾






        عبد العليلـه
✍حيدر ابو كيان الفاطمي



https://www.tg-me.com/joinchat-UShxzSh6DyF31x9W

بروح الوديعه الزهرة
يحسين منك نضرة
ــــــــــــــــــ
اعترفلك سيدي اني مقصر بأيامك
والذنوب عليك مني مثل جيت اسهامك
جمرة خلي بقلبي تسعر سيدي من اخيامك
واحترك بلكي واخفف الم من ألامك

بقليبي خلي الجمرة
يحسين منك نضرة
ــــــــــــــــــ
سيدي خايف اموت ومالي بمجازاتك
سيدي بم اعون احلفك والله وبنياتك
بداعة الاكبر عليك ودمعتك واهاتك
جايب ادموعي اعله بابك طالباً مرضاتك

أوگف اباب الحضرة
يحسين منك نضرة
ــــــــــــــــــ
من اغمض عيني باجر ادري ما تنساني
وانعم الله عليك وانته قلبك الدلاني
يالي حبك شي حقيقي ومنبرك وعاني
يالحنين ادموعي ذني لهسة فوك ارداني

بيك الأمل بالحفرة
يحسين منك نضرة
ــــــــــــــــــ
شگد عزيز اعلية باجر لمن يشيعوني
وانته لموك بحصيرة يا ضوي ولوني
واني بين اهلي وعشيرة وكلهم يفگدوني
وانت ما عندك عشيرة وهاية بين اعيوني

بهاي المصيبة المرة
يحسين منك نضرة
ــــــــــــــــــ
الغربة جلمة وصدك صعبه وانت عشت ثنينهن
الجلمة لمن ردت ناصر والسنين الوينهن
وغربتك من طاح اخيك والجدم شيعينهن
حدبت وايام عمرك طاحن وشيشيلهن

من طاح اخيك عمرة
يحسين منك نضرة
ــــــــــــــــــ
عايش اعله الله ودمعتي اليم ضريحك طاحت
لا تصد عني واضيعا روحي يمك راحت
بداعة الحركو خيمها ومن خجل ما صاحت
لا تنسيني عزائك عيني لجلك ناحت
مجلسك عبرة وعبرة
يحسين منك نضرة
ــــــــــــــــــ

الشاعر زين العابدين الشمري

💎تمـيـز بأخــتيارك💎السته الذهبيه
👑افـضـل اللستات في التليجرام👑

🤲هداء ثواب هذه العمل ألى روح والديه
الفاتحه رجااا

💞تمتع بتصفح أجمل القنوات⇩⇩💙

ها انا اضع بين ايديكم طرق تنير دروبكم

تهديكم الى ذلك النور الالهي❤️🌱

لمن احب الانضمام قنوات مفيدة👇🏻👇


╭━─━─━─≪ ஜ▲ஜ ≫─━─━─━╮

▒⇦قصص و خواطر📚

▒⇦فقرات و مسابقات🏁

▒⇦مشاعر راقية💗

▒⇦نشر روابط قروبات وتس🔗

▒⇦الكتابة با الصور🏞

▒⇦شعر حسيني عذب

╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎


👁‍🗨لــ أضافة قناتك✅


تصــــفح أجـــــمل القنوات⇓⇊💚


ياالله⬇️

🕊🕊🕊🕊🕊🕊